Sayidat wa Aamal The Whole magazine Package
مقالات مشابهة
كتبت الزميلة فاطمة فقيه رئيسة تحرير مجلة كواليس تهنئة لابنها في عيد ميلاده على صفحتها على الفيس بوك جاء فيها
عيدك حبيبي جابر?
عيد الفرح في الزمن الصعب?
وكل عام وانت بالف خير ?
انت عم بتكبر ومعك عم تكبر احلامي رغم الظروف الصعبة.
بطمأنينة ضحكتك بشوف الدنيا حلوة وبكرا احلى
اليوم عيدك …ودفتر ذكرياتي بيقلب اوراقه على رحلة عودتنا للوطن حبًا به وبأهلنا..بس حساب الحقل ما اجا عحساب البيدر ..
يمكن ظلمتكم يا ماما ويمكن هيدا قدرنا..
حبينا الوطن من كل قلبنا..بس للاسف الوطن مسروق من تجار باعوه وباعونا بسوق النخاسة وبعدهم عم يضحكوا ولحمنا معلق ع سنانهم ودمنا مشرشر ع دقنهم وتيابهم ..
بعيدك اليوم يمكن عم بتمنى اني لو ما رجعت حتى ما شوف الحزن بعيونكم وانتو تايهين وعم بتصارعو والمستقبل معتم ما مبين فيه نقطة ضو
وبعدهم تجار دمنا عم بيضحكوا..
جابر يا احلى ضحكة واطيب قلب ويا طفل بعدو بيدغدغ روحي وبيشحنها بفرح كبير وحلم اكبر ..
بعيدك يا ماما ما رح اتنازل عن املي وحلمي اني شوفك انت واخواتك اسعد الناس
ويحميلي ياكم يا اغلى من عمري
وبتمنى يا حبيبي تحقق كل اللي بتتمناه
وان شاء الله السنة الجاية تكون مفتاح الفرج
وكل سنة وانت ابني حبيبي
كل سنة وانا الاحلى والاغلى
كل سنة وانت بألف خير يا وج الخير..
امك فاطمة❤️
من اسرة مجلة سيدات وأعمال اطيب التمنيات بالسعادة والنجاح
