Sayidat wa Aamal The Whole magazine Package
مقالات مشابهة
بيروت من تحت الرّدم قومي
مَ بحبّ شوفك هيك مهمومي
يمكن لأنّو مرفئك مهدوم
صرتي على المهدوم مهدومي
إمّ الشرايع لاحقة تَ تقوم
انعاشت بلحظة عمر مصدومي
مافي حدا بلبنان مش مصدوم
عاحسب ظنّي وهيك مفهومي
بيروت فيها الجرح مابيدوم
لوهزّها تفجير ولغومي
بتعود ترجع بين أحلى كروم
أجمل عروس الكرم مهضومي
واليوم بيروت بوضع مأزوم
وعاإبنها بيروت مأزومي
المينا إبن بيروت والمحروم
من عطف إمّو وإمّ محرومي
من عطف إبن ويرحم المرحوم
ومرحوم يترحّم عَ مرحومي
المجهول جائز يعرف المعلوم
وإنتي لا مجهولي ولا معلومي
وتاصوّرك صورة ملاني رسوم
لقيتك على شاشة قلوب الناس
صورة بحبر الدّم مرسومي
الشاعر يوسف قانصو
