Sayidat wa Aamal The Whole magazine Package
مقالات مشابهة
*كتب علي يوسف
قضية انتخاب رئيس الجمهورية في لبنان بوجود الوفود والتدخلات وانتظار التوافق على الاسم من الدول المتدخلة والتي ترسل وفودها باتت اكثر من مسخرة مهينة للكرامة الوطنية ولكل شخص يحمل الجنسية اللبنانية ولو كان البعض تعود على ان يشعر بالسعادة عند ممارسة الانصياع والطاعة والذل ؟؟؟
والسؤال الحقيقي : نحن سننتخب رئيس ام خادم مطيع تحت ابتزاز الاعمار وتحت سقف التطبيع ؟؟؟؟؟؟
واحلى شي انو هيدول يللي بيسموا حالهم معارضة قال هني اخدوا موقف بموضوع رئاسة الجمهورية بعد طبعا ما سألوا معلمينهم الاساسيين الاميركان والسعوديين وطلع ان الموقف السيادي هوي الوقوف وراء الموقف الاميركي السعودي عفوا قلت الموقف الاميركي السعودي والصحيح وراء التعليمات الاميركية السعودية ..!!
يا حرام شو بيصير فيهم اذا صار في شوية فوارق ببن الموقف الاميركي وبين الموقف السعودي ( مع ان هذا الامر مستبعد وبتعرفوا ليش ..!! لأن المعلم الاميركي معلم الكل ..)…!!
عنجد لما بينظر الواحد بمعظم السياسيين والقوى السياسية بلبنان وبشوف حجم ارتضاؤهم و بسعادة بالذل امام الاميركي والغربي والسعودي بيحتار الواحد اذا بيحتقرهم او بيهينهم او بيشفق عليهم ؟؟؟!!!
بس للاسف يللي اكيد انو يكون لبنان بلد ذو كرامة وطنية وانو يكون في سلطة سيادية وطنية تحفظ الامن القومي للدولة اللبنانية هو امر اشبه بالحلم طالما قوى المقاومة والقوى الوطنية رح تضل تحكي بنظام الشراكة الوفاقي الطوائفي (وليس الطائفي )وما يسمى بالوحدة الوطنية يللي بحاجة لإثباتها كل ساعة وبكل موضوع ويللي قال ما بتتحق الا بالحوار يللي هوي حوار بين طرشان بأذن ما بيسمعوا فيها و بأذن ثانية ما بتسمع الا التعليمات الاميركية والسعودية ..!!؟؟؟
للاسف بدنا ننطر نتائج الحرب العالمية الثالثة يللي جارية حاليا وعلى شو رح تركب المنطقة والاقليم حتى يقولولنا وين رح نصير وهيك بدل ما نكون فاعلين بدنا على طول يكون مفعول فينا وهيك كتار من اللبنانيين بيكونوا مبسوطين وانشالله يكون فيها الشفاء …!!؟؟
الأمل الوحيد كان ولا يزال دور المقاومة الاقليمي يللي كان بيخليها تكون موجودة على طاولة رسم الخرائط … والأمل ان لا نكون دخلنا الى الإنكفاء الداخلي بحيث يقتصر الدور على حماية الحدود اللبنانية عسكريا ؟؟؟؟كما يطالب اغبياء العصر في حال حسن النية والمتذاكين بالإصرار على التبعية تحت العناوين الوطنية السيادية الكاذبة ..؟؟!!!!!!
حرب اؤلي البأس تأخذ اهميتها في ان تكون
————————————————————
على طريق القدس .. وللحديث صلة حول هذا
—————————————————————
الموضوع …!!؟؟
———————-
*عضو في المجلس التنفيذي للاتحاد الدولي للصحفيين
