افكار مشوهة .. بين الغباء والرغبات ..؟؟!!!

*كتب علي يوسف

غريب العرب شو بيحبو التحليل الشكلي من دون المضامين ..
يعني مثلا بالتحاليل ما بيحكوا ليش اسرائيل بدها تساوي كل هالحرب ؟؟؟؟؟؟وبيعتبروا اذا قالوا كلمة سيطرة او كلمة هيمنة جاوبوا على كل شي …!!! بس ما بيقولوا ليش بدها تسيطر وليش بدها تهيمن ؟؟؟؟؟؟وشو علاقة اميركا والغرب ؟؟ وهل كل الدعم كرمال عيون اسرائل ونتنياهو ؟؟؟؟؟؟ وحتى يكون نتنياهو “مهيمن ” ؟؟؟؟؟
ازمة اميركا المهددة بالانهيار ومحاولات انقاذها بالطرق العشوائية والهمجية والمافياوية هي وراء كل مايحدث من حروب واضطرابات في العالم ….؟!!!!وهي في الحقيقة الشيطان الأكبر ؟؟؟
واغبى ناس المسؤولين والسياسيين عندنا بلبنان بيتنطح كل شوي واحد وبيقول نحنا ما إلنا علاقة بالحرب وما لازم ننجر إلها .. ويقصد في خلفيته انو ما لازم حزب الله يدعم ايران ؟؟؟؟؟؟على اساس انو ايران بحاجة لدعم حزب الله والا رح تخسر الحرب وهوي بدو انو ايران تخسر الحرب ..؟؟!!!!
وهيدول الاغبياء اغبى من ان يعرفوا انو اذا ايران خسرت الحرب بيصير اي رئيس او ملك او امير عربي بأحسن احواله مش اكتر من رئيس دائرة في الادارة الاسرائيلية للمنطقة ..؟؟!!!!
بعدين هيدول يللي بيدعوا للحياد صايبهم العمى الفكري والبصري والسمعي والقلبي مش منتبهين انو نحنا بالحرب مع اسرائيل وانو العدوان الاسرائيلي الاميركي مستمر يوميا اغتيالات وتدمير وغارات وتهديدات وطيران فوق الرؤوس و اذلال وافقار وشروط ؟؟؟؟؟؟؟
الا اذا معتبرين انو هيدي الحرب هيي على غيرهم بلبنان” مش على اللبنانيين ” ؟؟؟؟
هيدول مجموعة من المرضى عقليا ونفسيا وفكريا وآخرتهم صعبة ..؟؟!!!

*عضو في المجلس التنفيذي للاتحاد الدولي للصحفيين